Un còp de mai, nos fan retardar d’una ora los nòstres relòtges e mòstras per intrar dins l’orari d’ivèrn. Aital, a tres oras d’aqueste matin seràn tornarmai doas oras. Aquò permet d’aprofechar las oras de solelh del matin e aital d’estalviar d’energia, çò dison. En tot cas, los que seràn fatigats après la manifestacion d’uèi a Montpelhièr poiràn dormir una ora de mai anuèch.
 
Las mòstras e los relòtges se mòvon a l’encòp gaireben dins tota Euròpa. Aquò comencèt de se far a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
 
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.




En blau: païses ont se fa lo cambiament d’ora. En irange: païses ont lo cambiament d’ora se fa pas mai. En roge: païses ont s’es pas jamai fach. 
© Paul Eggert